आमची मुंबई................

मुंबईचे वर्णन...........

कायहो मुंबई बंदर उमदा कोठ्यावधि फिरतात जहाजे ॥
अजब कंपनी शहर त्याला लंकेची उपमा साजे ॥
गव्हर्नराचे तक्त मजेचे दिसते उमदा खूब शिरा॥
तऱ्हेतऱ्हेचे रंगित बंगले ऐन इंग्रजी पहा तऱ्हा॥
भर रस्त्यामध्ये उभे शिपाई लोक म्हणती सरा सरा॥
रथगाड्यांची गर्दी होती व्हा बाजूला मागें फिरा॥
मोठे मोठे सावकारसाहेब रथ फिरवीती झरा झरा ॥
नव खंडीचे माणुस पाहुन रथ म्हणती हा बरा बरा ॥
जिकडे तिकडे अशीच गर्दी रथ जाता घडघड वाजे ॥
अज कंपनी शहर त्याजला लंकेची उपमा साजे ॥